Во мексиканската држава Гванахуто вчера беше уапсен Хосе Антонио Јепез Ортиз, водачот на злогласната банда Санта Роса де Лима, познат како Ел Маро (Ковачот).
Бандата Санта Роса де Лима со години е во судир со нарко-картелот Халиско.
Ел Маро е познат по тоа што поставуваше видеоснимки со емотивни пораки до своите следбеници. Во јуни тој објави снимка на која плаче по апсењето на неколкумина негови приврзаници и роднини. Во друго видео тој се закануваше дека ќе се здружи со картелот Синалоа и ќе го победи Халиско, мексикански картел кој бележи најбрза експанзија досега.
Санта Роса де Лима не е картел, туку моќна насилна банда која краде гориво од нафтоводите и рафинериите, а исто така ограбува и товарни возови. Кога возовите и нафтоводите ја зајакнаа безбедноста, бандата почна да се занимава со киднапирање и уцени.