Сопственик на бар во Њујорк го прогласи својот локал за автономна зона за да им пркоси на рестрикциите поради коронавирусот, па сега е приведен.
Дени Прести својот бар „Mac’s Public House“ го прогласи за автономна зона за правилата на американските власти да не важат кај него и со тоа да избегне намалување на профитот. Во неговиот бар луѓето слободно уживаа во пијачки и храна без држење дистанца или било какви други неопходни мерки за заштита од COVID-19.
Во вторникот неколку полицајци во цивилка како обични граѓани отишле во неговиот бар за на лице место да го фатат како ги крши мерките за заштита. Дени бил со лисици изнесен и спроведен во протвор, а додека полицијата го вадела од автономниот бар незадоволните муштерии упатувале погрдни зборови кон полициските службеници.
Дени и неговиот партнер Кит МекАларни минатиот месец го прогласија „Mac’s Public House“ за автономна зона откако претходно добија неколку дневни глоби од по илјада долари и им беше одземена лиценцата за служење алкохол бидејќи работеа и по времето кога сите барови во Њујорк мора да затворат.
„Mac’s Public House“ барот ја продолжува битката со њујоршкиот гувернер Ендрју Куомо и градоначалникот Бил де Блазио. Отворија профил на GoFundMe за да соберат пари да се плати новата казна каде веќе речиси 50 илјади долари се собрани.
Дени ги повика и останатите угостителски објекти да му се придружат во борбата со „непријателот“: „Отворете ги вашите локали. Вратете си ги назад вашите гардови, сојузни држави и татковината“.