Перуанската полиција го уапси претседателот на Фудбалската федерација на Перу, Агустин Лосано Сааведра, како дел од истрагата за измама, изнуда, перење пари и други кривични дела.
Од 2018 година, Лосано е вториот претседател на Перуанската федерација кој е уапсен, откако неговиот претходник беше под истрага за наводна вмешаност во две убиства. Подоцна тој беше ослободен од обвиненијата.
Со лисици на рацете, Лосано беше спроведен до полициско возило пред неговата куќа во Лима, во присуство на неколку новинари. Тој вети дека ќе ги расчисти сите недоразбирања и побара од јавноста да не му суди пред време.
Покрај него, уапсени се уште 6 лица. Обвинителот кој го надгледувал случајот за локалното радио изјавил дека Лосано е под истрага повеќе од една година. Иако тој не беше кривично обвинет, властите наредија негово апсење бидејќи веруваа дека може да избега или да ја попречува истрагата.
Лосано и претходно имал проблеми со законот, во 2023 година обвинителите побараа негово апсење како дел од истрагата за проневера од периодот кога тој беше градоначалник на градот Чонгојапе.
