Синоќа полициски службеници од СВР Скопје го лишија од слобода 39-годишниот Х.Х. од село Крушопек, Скопско, затоа што околу 14:30 часот на булеварот „Партизански одреди“ во Скопје, наспроти пазарот „Ѓорче Петров“, управувајќи патничко возило Golf со скопски регистарски таблички, удрил во 12-годишна малолетничка-пешак од Скопје.
Со возило на Итна медицинска помош малолетничката е пренесена во комплекс клиники „Мајка Тереза“ каде ѝ била укажана лекарска помош и констатирани тешки телесни повреди.
Извршен е увид од СВР Скопје, а возачот е лишен од слобода и против него ќе биде поднесена пријава по итна постапка.
