Италијанската полиција денеска уапси 28 лица осомничени дека се членови на кланот Сенесе, кој дејствува во Рим, во рамки на мафијашката организација Камора.
Рациите биле извршени рано утрово во провинциите Рим, Неапол, Верона, Фросиноне и Аквила, јави АНСА. Повеќе од 200 припадници на полициските и финансиските служби учествуваа во операцијата.
Приведените се товарат за изнуда, измама, криминален трансфер на добра и имот, перење пари и повторна употреба на криминално стекнати профити. Во операцијата е одземен имот вреден 15 милиони евра.
Во случајот се товарат и шефот на кланот Микеле Сенесе, кој во моментов е во затвор за убиство од 2001 година, неговиот брат Анџело Сенесе, неговиот син Винченцо и неговата сопруга Рафаела Галјоне. Сите тие се обвинети за употреба на мафијашки методи за мафијата да навлезе во економијата на Рим.