Во Саудиска Арабија уапсени се тројца членови на кралското семејство – помладиот брат на кралот Салман, принцот Ахмед бин Абдулазиз, внукот на кралот Мохамед бин Најеф и неговиот син, принцот Науаф бин Најеф.
Тие се уапсени вчера под обвинение за наводен обид за државен удар.
Мохамед бин Најеф беше министер за внатрешни работи до 2017 година кога е уапсен и е ставен во куќен притвор, додека принцот Ахмед бин Абдулазиз, е еден од последните синови на основачот на државата, крал Абдулазиз.
Престолонаследникот Мохамед бин Салман, син на кралот Салман, во државниот удар во 2017 година го собори својот роднина Мухамед бин Најеф, а подоцна уапси неколку членови на кралското семејство во антикорупциската кампања.
Уапсениот принц Ахмед е познат по тоа што ги критикува саудиските власти додека е во странство и како еден од тројцата членови на Советот, кој беше против пренесувањето на власта на принцот Мохамед во 2017 година.
Тој и Мохамед бин Најеф се уапсени во своите домови и се обвинети за предавство.