Фудбал

Уапсено едно лице поврзано со смртта на Емилијано Сала

20. јуни 2019 - 8:19 | МИА

Британската полиција уапси 64-годишен жител на Северен Јоркшир во случајот со смртта на фудбалерот Емилијано Сала, објави BBC. Човекот е осомничен за „извршување дејства што довеле до смрт поради небрежност“.

По апсењето, човекот се согласил да соработува со истрагата и бил ослободен. Полицијата не го открива идентитет на лицето и бара да не се шпекулира за случајот.

Дваесет и осумгодишниот Сала во јануари оваа година се пресели од Нант во Кардиф за 15 милиони фунти.

На патот од Франција до Велика Британија, приватниот авион се урна при што загина Сала заедно со пилотот Дејвид Иботсон.

Коментирај