Британската полиција уапсила уште едно лице осомничено за учество во организацијата на нападот на бомбашот самоубиец во Манчестер арената, јавува АП.
Најновото апсење се случило за време на рација на станови и куќи, чии станари биле поврзани со бомбашот Салман Абеди. АП потсетува дека досега во притвор се осум лица, а едно било ослобено по извршеното испитување. Британските власти не ги објавиле имињата на деветте уапсени лица.
Известувачките и безбедносните служби во Британија се обидуваат да ја утврдат поврзаноста помеѓу Абеди, екстремистите во Манчестер и екстремистите во Европа, северна Африка и Блискиот Исток.