Убавините на Тоскана

Тоскана е регион во централниот дел на Италија. Има 3,8 милиони жители и зафаќа територија од 23.000 км². Главен град е Фиренца, а другите познати градови се Пиза, Сиена, Ливорно, Лука, Арецо, Гросето, Вијареџо, Пистоја, Прато.

Тоскана важи за родно место на Ренесансата, позната е по вината, а живописните стари градови и пејсажи ја прават привлечна за илјадниците туристи кои ја посетуваат од целиот свет.

Малкумина знаат, но модерниот италијански јазик е кодифициран врз основа на фирентинскиот дијалект.

Некои од нејзините најпознати жители низ историјата се Данте Алигиери, Микеланџело Буонароти, Леонардо да Винчи, Галилео Галилеи, Џакомо Пучини, а од модерните тука се Карло Конти, Џана Нанини, Гучо Гучи, Роберто Кавали, Матео Ренци, Марчело Липи, Паоло Роси, Џиџи Буфон.