Истражување на Универзитетот во Валенсија откри дека само 5 минути во друштво на убави жени кај мажите го зголемува нивото на кортизол.
Тој ефект бил засилен доколку мажите биле во друштво на жена за која мислат дека немаат шанси со неа.
Хормонот кортизол го произведува надбубрежната жлезда во моменти кога таа личност е под физички или психички стрес, а се доведува во директна врска со срцеви и други заболувања.
Во истражувањето учествувале 84 студенти кои поединечно и во одвоени соби решавале судоку загатка. Две непознати личности, маж и физички привлечна жена исто така биле во собата.
Во моментот кога жената ќе ја напуштела собата, а двајцата мажи останале да седат заедно во собата, нивото на хормонот на стрес кај испитаникот не пораснало. Меѓутоа, кога испитаникот би останал во собата сам со жената, нивото на кортизол растело.
„Во оваа студија тргнавме од претпоставката дека повеќето мажи, во друштво на убава жена, имаат чувство како тоа да е идеална можност за додворување. И додека некои мажи избегнуваат убави жени мислејќи дека немаат шанси со нив, повеќето мажи всушност ќе имаат одредена хормонска реакција“, се објаснува во студијата.
Резултатите покажале дека нивото на кортизол кај мажите се зголемува по само 5 минути краток социјален контакт со млада, привлечна жена.
Кортизолот во мали количини може да има позитивен ефект, но хронично зголемен кортизол ги влошува одредените здравствени состојби како срцеви заболувања, дијабетес, хипертензија и импотенција.
