Агнес Каламар од ОН изјави дека САД не обезбедиле докази со кои би се оправдал воздушниот напад врз возилото со кое патуваше иранскиот генерал Касем Сулејмани.
– Генералот беше задолжен за акциите на Техеран во Сирија и Ирак. И покрај тоа не претставуваше директна опасност по животите, истакна Каламар.
Таа додаде дека ОН треба да донесат резолуција за употребата на дронови при убиства на луѓе.
На 3 јануари годинава во близина на аеродромот во Багдад убиени се генерал Касем Сулејмани од елитните сили Кудс на Исламската револуционерна гарда и Ебу Мехди ал Мухандис, постар командант на ирачките Народни единици за мобилизација. Во нападот, покрај Сулејмани и иранските офицери, загинаа вкупно 10 лица, од кои петмина од Ирак.
