Еден 17 годишен британски ученик, откри грешка на НАСА поврзана со Меѓународната вселенска станица. Мајлс Соломан со своите професори работел на проект за анализа на податоците на Меѓународната вселенска станица. Целта била да се пронајдат шаблони или аномалии.
Соломан ги прегледувал податоците поврзани со количината на радијацијата на Меѓународната вселенска станица, а вниманието му го привлекло бројот „-1“. Тој им посочил на професорите дека не е возможно да постои енергија со вредност од -1.
Ученикот забележал дека енергијата не може да биде негативна, односно не може да има негативно количество. Со професорите ја контактирале НАСА, а агенцијата им се заблагодарила за укажаната грешка.
НАСА била свесна за проблемите со негативните бројки што се појавуваат кога детекторите не регистрираат радијација, но сметале дека таа се појавува еднаш или два пати годишно. Британскиот тинејџер открил дека грешката се случува и по неколку пати дневно.