УЕФА најави нови казни поврзани со случувањата на ЕУРО 2024 во Германија, а за расизам на трибините казни дури 7 репрезентации.
Најлошо мина Хрватска, која е казнета со 50.000 евра, а навивачите добија забрана за присуство на првиот нареден натпревар на гости (Португалија, 5 септември) поради расистичкото однесување на натпреварите против Шпанија, Албанија и Италија, односно сите на кои играа „Ватрените“.
Србија е казнета со 30.000 евра, а навивачите добија забрана за присуство на првиот нареден натпревар на гости (Данска, 8 септември) поради расистичкото однесување на натпреварите против Англија, Словенија и Данска, исто така сите натпревари на кои играа „Орлите“.
Словенија е казнета со 30.000 евра и условна забрана за присуство на навивачи на првото наредно гостување (Норвешка, 10 октомври) поради расистичкото однесување на навивачите на натпреварите со Данска, Англија и Португалија.
Албанија е казнета со 30.000 евра и условна забрана за присуство на навивачи на првото наредно гостување поради расистичкото однесување на навивачите на натпреварите против Хрватска и Шпанија.
Романија е казнета со 40.000 евра, а навивачите добија забрана за присуство на првото наредно гостување (Косово, 6 септември) поради расистичко однесување на навивачите на натпреварите против Украина, Белгија и Холандија.
Унгарија е казнета со 30.000 евра и условна забрана за присуство на навивачи на првото наредно гостување поради расистичкото однесување на навивачите на натпреварите против Германија и Шкотска.
Австрија е казнета со 20.000 евра и условна забрана за присуство на навивачите на првото наредно гостување поради расистичкото однесување на навивачите на натпреварот со Полска.
