Извлекувањето за четвртфиналето, полуфиналето и финалето на Лигата на шампиони за сезоната 2019/20 ќе се одржи в петок во седиштето на УЕФА во Нион, Швајцарија.
Церемонијата ќе почне во 12 часот.
Во четвртфиналето веќе се пласираа четири тима: Аталанта, Атлетико, Лајпциг и ПСЖ. Преостануваат уште четири реванш натпревари од осминафиналето меѓу Челси и Баерн, Наполи и Барселона, Реал Мадрид и Манчестер Сити, како и Лион и Јувентус.
Ќе има три жрепки. Првата за четвртфиналето, втората за полуфиналето и третата за финалето која ќе го одлучи „домаќинот“ во финалето од административни причини.
Годинава четвртфиналето, полуфиналето и финалето на Лигата на шампиони ќе се играат на нокаут турнир во август во Лисабон, Португалија. Нема да има реванш, а натпреварите ќе се играат на стадионите на Бефика и Спортинг.
Клучни датуми:
7-8 август: реванши од осминафиналето
12-15 август: четвртфинале (Лисабон)
18-19 август: полуфинале (Лисабон)
23 август: финале (стадионот „Да Луж“ на Бенфика, Лисабон)