УЕФА ги продава глобалните комерцијални права на американската агенција

Макфакс/Кајгана
/ 12.02.2025 / 11:49

Европската фудбалска унија (УЕФА) соопшти дека започнала преговори за продажба на телевизиските права со американската агенција Relevent Sports за периодот од 2027 до 2033 година.

УЕФА на тој начин планира да ја прекине соработката со швајцарската агенција TEAM Marketing, која од 1992 година ги продава телевизиските права за Лигата на шампионите.

УЕФА додаде дека одлуката во корист на американската агенција била донесена по тендер, „во кој биле вклучени понуди од неколку светски и регионални агенции“.

„Нормално, ние сме разочарани, но остануваме неверојатно горди на работата што ја направивме заедно со УЕФА во последните 35 години. Заедно изградивме глобално призната комерцијална програма која генерира над 50 милијарди евра приход за европскиот клубски фудбал“, соопштија од швајцарската агенција.

Договорот со американската агенција би можел да ги обнови шпекулациите дека финалето на Лигата на шампионите еден ден може да се игра во САД. Ова е редовна тема откако Словенецот Александeр Чеферин беше избран на чело на УЕФА во 2016 година.

Американската агенција Relevent Sports со седиште во Њујорк ја води Стивен Рос, сопственик на Мајами Долфинс, клуб кој се натпреварува во НФЛ, а потпишувањето на договорот со УЕФА се очекува во следните неколку недели.

Првиот договор на Relevent Sports со УЕФА беше постигнат во 2022 година и вклучува продажба на правата од Лигата на шампионите само за територијата на САД.

Според плановите, УЕФА треба да генерира бруто комерцијален приход од најмалку 4,4 милијарди евра до 2027 година, од продажбата на телевизиските права за Лигата на шампионите, Лига Европа, Конференциската лига и Суперкупот, сето тоа преку својот сегашен партнер од Швајцарија.

Оваа сезона 36-те екипи од Лигата на шампионите ќе поделат околу 2,5 милијарди евра од наградниот фонд на УЕФА.

Тагови
реклама

Зошто не треба да јадете банани за појадок?

Read more

Украинците оставија многу моќно оружје во Курск, Русите објавија фотографии

Read more

Од понеделник ново депо на Пајак службата на ПОЦ

Read more

Четирите најлоши намирници што не треба да ги јадете навечер ако сакате да ослабете

Read more

Фудбал

Алими: Ме чека 30 часа пат, но ќе го дадам максимумот за Македонија

Read more

Црвена звезда јубилејниот роденден ќе го прослави во жолти дресови

Read more

Кратка приказна за комунистот што играше за клуб со навивачи фашисти

Read more

Олмо: Ја одбив Хрватска и не ми е жал

Read more
 

Спорт

  • play_arrow

Ника Превц постави светски рекорд во ски-скокови

Читај повеќе

Алими: Ме чека 30 часа пат, но ќе го дадам максимумот за Македонија

Читај повеќе

Црвена звезда јубилејниот роденден ќе го прослави во жолти дресови

Читај повеќе

Кратка приказна за комунистот што играше за клуб со навивачи фашисти

Читај повеќе

Олмо: Ја одбив Хрватска и не ми е жал

Читај повеќе
  • play_arrow

Берман го искрши болидот на првиот тренинг

Читај повеќе
  • play_arrow

Дончиќ со рекорден број поени за Лејкерс, Кари испиша историја со бројот на тројки

Читај повеќе
  • play_arrow

Реал Мадрид на удар за ѓубрето што го оставија на стадионот на Атлетико

Читај повеќе

Почнува новата Ф1 сезона: Хамилтон сака да ја прекине доминацијата на Верстапен

Читај повеќе