Петмина Италијанци се помеѓу најдобрите 11, ги нема најдобрите стрелци Роналдо и Шик.
Тим на стручни лица одреден од УЕФА ги составуваше најдобрите 11 и тоа во состав: Патрик Бонер, Естебан Камбиасо, Фабио Капело, Космин Контра, Корин Диакр, Жан-Франсоа Домерк, Душан Фитцел, Штефен Фројнд, Франс Хук, Аитор Каранка, Роби Кин, Хинес Мелендес, Дејвид Мојс, Мика Паателаинен, Петер Рудбек и Вили Рутенштајнер.
Честа да се најдат во најдобриот тим на ЕУРО 2020 ја добија следниве фудбалери:
Голман:
Џанлуиџи Донарума (Италија)
Одбрана:
Кајл Вокер (Англија)
Леонардо Бонучи (Италија)
Хари Мегваер (Англија)
Леонардо Спинацола (Италија)
Средина:
Пјер-Емил Хејбјерг (Данска)
Жоржињо (Италија)
Педри (Шпанија)
Напад:
Федерико Кјеза (Италија)
Ромелу Лукаку (Белгија)
Рахим Стерлинг (Англија)
Вицешампионот Англија има три претставника, додека по еден имаат полуфиналистите Данска и Шпанија, како и Белгија.
Изненадувачки, во нападот на најдобриот тим немаше место за ниту еден од двајцата најдобри голгетери Кристијано Роналдо (Португалија) и Патрик Шик (Чешка) кои постигнаа по 5 голови. Инаку, наградата замина кај Роналдо само поради фактот што имаше и 1 асистенција.
Наградата за најдобар играч на првенството замина во рацете на италијанскиот голман Донарума и тоа е прв пат во историјата на Европските првенства голман да ја освои оваа награда.
А, пак, онаа за најдобар млад играч, која се доделува втор пат откако беше воведена во 2016, замина кај 18-годишниот Шпанец Педро Гонсалес Лопес, или попознат како Педри.
Најдобар асистент:
Стивен Цубер (Швајцарија) - 4
Најмногу натпревари без примен гол:
Џордан Пикфорд (Англија) - 5
Најстар стрелец на гол:
Горан Пандев (Македонија) - 37 години и 321 ден
Најмлад стрелец на гол:
Микел Дамсгард (Данска) - 20 години и 353 дена
Најмногу жолти картони:
Гжегож Криховјак (Полска) и Хари Мегваер (Англија) - 3
Најбрз гол:
Емил Форсбериј (Шведска) - 1 минута и 22 секунди (против Полска)