Фудбал

УЕФА го состави тимот на векот, за легендата на Јуве немаше место

20. ноември 2017 - 18:39 | М.Д.

Во изборот се наоѓаат само најдобрите и во главно нема забелешки, но една работа останува нејасна.

УЕФА го направи изборот на најдобри играчи, клубови во овој век.

Тимот е составен врз основа на успесите, победите и рангот на клубовите и играчите во последните 17 години.

На голот е Икер Касиљас, кој шест пати се најде во тимот на годината на УЕФА, од 2007 до 2012 година.

Во одбраната се Рамос, кој пет пати беше избиран и Пике кој е избран шест пати. Овде јасно е Пујол кој имаше пет номинации и последен пат се најде во најдобриот тим на УЕФА во 2014 година.

Тој е десно, лево е Лам, кој пет пати беше дел од идеалниот тим.

Човекот кој има најмногу настапи за Барселона, Чави, го предводи средниот ред, неизбежен е и Иниеста.

На играчите на Барса, друштво им прави Стивен Џерард, легендарниот капитен на Ливерпул, кој три пати беше дел од идеалниот тим.

Ова е можеби проблематичниот избор, бидејќи сигурно пологично би било Андреа Пирло да се наоѓа на оваа позиција, кој иако само два пати беше избиран како дел од идеалниот тим, што исто така е смешто, два пати ја има освоено Лигата на шампионите и уште два пати играше финале.

За Меси и Роалдо не треба да трошиме зборови, а покрај нив, место во тимот се најде и за Тиери Анри, со пет номинации.

Што се однесува до рангирањето на клубовите во последните пет сезони, прв е Реал Мадрид пред Атлетико и Барселона.

„Јорганџиите“ се пред Барса,четврти е Баерн, петти е Јуве, па следуваат Севиља, ПСЖ, Сити, Дортмунд и Арсенал.

Како што и сами можете да забележите, потполна доминација на Шпанците меѓу играчите, дури шест од нив се наоѓаат во овој тим, а и на клупско ниво се доминантни.  

Коментирај