УЕФА го вклучи голот на нашиот Бојан Миовски постигнат вчера во Вадуц меѓу четворицата кандидати за најдобар гол во првото коло од квалификациите за Мундијалот 2026.
Во 44. минута Бојан Илиевски од десно со надворешна нафрли пред петерецот, а таму Миовски во скок-пад со лева постигна ефектен гол поставувајќи ги конечните 3:0. УЕФА одлучи овој гол да биде во најтесна конкуренција за гол на колото.
Заедно со Миовски, кандидати за гол на колото се Црногорецот Стеван Јоветиќ во дуелот против Гибралтар, Босанецот Армин Гиговиќ против Романија и Израелецот Ели Даса против Естонија.
За Миовски можете да гласате на овој линк, а гласањето трае до понеделник до 15 часот.
