Манчестер Сити и Манчестер Јунајтед добија одобрение од Телото за финансиска контрола на клубовите (ЦФЦБ) на УЕФА да играат во истите натпреварувања како нивните сестрински клубови Жирона и Ница следната сезона.
УЕФА е ригорозна кога се во прашање настапите на клубовите во Европа кои имаат заеднички мнозински сопственик.
Конзорциумот City Group Football ги поседува Манчестер Сити и Жирона, кои оваа сезона ќе играат во Лигата на шампионите, а INEOS Sport ги поседува Манчестер Јунајтед и Ница, кои ќе играат во Лига Европа.
За да можат да се натпреваруваат заедно во истото натпреварување, City Group Football и INEOS Sport мораа да го намалат својот удел во каталонскиот и францускиот клуб на помалку од 30%, а откако го направија тоа, ЦФЦБ им даде дозвола.
Како дел од намалувањето на сопственичките акции во клубовите, City Group Football и INEOS Sport продадоа дел од сопственоста на Жирона и Ница на независен фонд контролиран од ЦФЦБ.
ЦФЦБ исто така одлучи Сити и Жирона, односно Јунајтед и Ница да не префрлаат играчи еден на друг до септември 2025 година.
