Извршниот комитет на УЕФА му ја одзема организацијата на ирскиот главен град, а ги префрли и натпреварите од Билбао, но во друг шпански град.
Непопустливост на градските власт во Даблин и Билбао во однос на присуството на публика на стадионите ги чинеше губење на организацијата на натпреварите од претстојното Европско првенство.
УЕФА денеска одлучи натпреварите предвидени да се играат во Даблин да бидат преместени во Лондон и Санкт Петербург, Шпанија проблемот сама го реши со тоа што наместо Билбао ќе се игра ЕУРО во Севиља, а Минхен се спаси откако дозволи присуство на барем 14.500 гледачи.
„Четирите натпревари првично одредени да се играат во Билбао ќе бидат преместени на 'Ла Картуха' стадионот во Севиља. Организацијата на овие натпревари е поддржано од автономната покраина Андалузија која потврди дека ќе дозволи публика од 30% од капацитетот на стадионот за натпреварите од групата Е и од осминафиналето“, соопшти УЕФА.
„Трите натпревари од групата Е кои првично беа резервирани за Даблин ќе бидат преместени на стадинот во Санкт Петербург, кој веќе е домаќин на три натпревари од групата Б и четвртфиналето. Натпреварот од осминафиналето резервиран за Даблин ќе биде преместен на 'Вембли' во Лондон“, додаде УЕФА.
Согласно на овие одлуки, сите билети кои се продадени за натпреварите во Даблин и Билбао се поништени, а на оние кои платиле за билет ќе им бидат рефундирани средствата. УЕФА дополнително ќе ја соопшти процедурата за набавка на билети на натпреварите кои се преместени за во Севиља, Лондон и Санкт Петербург. Оние кои веќе имале купено билет за Билбао и Даблин ќе имаат приоритет при купување билет за новите локации.