Европската фудбалска асоцијација ја прекина постапката против Барселона, Јувентус и Реал Мадрид за проектот Супер лига.
– По отворањето на дисциплинска постапка против Барселона, Јувентус и Реал Мадрид за евентуална повреда на правната рамка на УЕФА во врска со таканаречениот проект Суперлига, Апелационото тело на УЕФА одлучи да ја прекине постапката до понатамошно известување, стои на интернет страницата на УЕФА.
На 19 април англиските клубови Манчестер Јунајтед, Манчестер Сити, Тотенхем, Ливерпул, Челзи и Арсенал, шпанските Барселона, Атлетико и Реал, италијанските Милан, Интер и Јувентус го објавија создавањето на Супер лигата. По остриот протест на навивачите и заканата од санкции од ФИФА и УЕФА, во Суперлигата останаа само Реал, Барселона и Јувентус.
На 7 мај, УЕФА објави помирување со другите девет тимови, како и список на санкции во случај на враќање на идејата за Супер лига.
