УЕФА казнува, навивачите на Селтик упорни: Нова порака за Палестина во ЛШ

Навивачката група Green Brigade, надалеку позната по љубовта кон Селтик и храброста сликовито да објаснат сè што мислат со парола на натпревар, уште еднаш ја истакна пораката за поддршка на Палестина во Лигата на шампионите.

Навивачите на Селтик не се откажуваат од најсилната можна поддршка за Палестина во тешки времиња. Од натпревар во натпревар најавуваат пароли посветени на палестинскиот народ покрај знамињата на оваа земја, а тоа беше случај и синоќа, на натпреварот од Лигата на шампионите.

Европското фудбалско тело (УЕФА) нема милост кон навивачите на Селтик, но тие не премногу загрижени за тоа. Така во последните години плаќаа казни за пропалестински пароли, а во ноември беа казнети со 19.000 евра само за истакнување на палестинското знаме во Лигата на шампионите.

И покрај тоа што знаеја дека ќе бидат казнети затоа што повторно го покажаа својот став на натпревар од најелитното европско натпреварување, навивачите на Селтик синоќа ги кренаа знамињата на Ирска и Палестина заедно со моќна порака која брзо стана вирална.

„Можат да ве угнетуваат, можат да ве затворат, но никогаш нема да ви го скршат духот. Газа, Џенин, Тулкарм, Наблус, никогаш нема да чекорите сами“, стои во пораката на навивачите на Селтик.

Интересно е што фудбалерите на Селтик неодамна играа против Хибернијан во шкотскиот премиерлигаш, а за тоа време нивните навивачи испратија уште една интересна порака која одекна во фудбалскиот свет.

За разлика од ставовите на поголемиот дел од Европа за ова прашање, навивачите на Селтик рекоа: „Бегалци, добредојдени сте“, заедно со неколку палестински знамиња.

Шкотскиот претставник синоќа на фантастичен начин ја отвори новата сезона во Лигата на шампионите со победата од 5:1 над Слован Братислава. Сите пет гола ги постигнаа различни стрелци.