Лидерот во турското првенство, тимот на Трабзонспор, со соочува со суспензија за настап во европските натпреварувања во наредните две сезони, поради кршење на правилата за финансиски фер-плеј, објави УЕФА.
Од европската куќа на фудбалот соопштија дека клубот имал неправилности во своите последните пресметки што се бараат со претходниот договор од 5 јули минатата година и затоа е казнет. Според правилата за финансиски фер-плеј, се следат приходите и трошоците за трансфери и плати на играчи од клубовите кои се квалификуваат за Лига на шампиони и Лига Европа.
Поради оваа причина, УЕФА одлучи да го исклучи Трабзонспор од учество во клупско натпреварување на УЕФА во кое може да учествува во сезоните 2020/21 и 2021/22, во зависност во која од овие две сезони тимот ќе избори настап.
Трабзонспор би се квалификувал директно во групната фаза од Лигата на шампионите следната сезона и би освоил десетици милиони евра доколку тие станат шампиони во турската Суперлига. Доколку навистина „Бордо-сините“ станат шампиони сезонава, тогаш веќе од септември ќе ја одлежат казната од УЕФА и ќе можат во Европа да се вратат од сезоната 2021/22.
Турската Супер Лиг беше суспендиран во средината на март по 26. коло. Лидер на табелата е Трабзонспор со 53 бодови, пред Истанбул Башакшехир исто така со 53, потоа Галатасарај со 50 поени и Сиваспорт со 49. Сезоната ќе продолжи на 12 јуни.
Трабзонспор е уште еден клуб кој добива казна од УЕФА за кршење на правилата за финансиски фер-плеј, а санкциите беа изречени за прв пат во 2014 година.
