Френки Едгар, легендарниот ММА борач, ќе се обиде што побрзо да закрепне, а потоа и да го заборави УФЦ настанот 268 одржан во Медисон Сквер Гарден во Њујорк. Фотографија од ударот што го доби со нога во лице од Марлон Вера го шокира светот.
Марлон Вера од Еквадор се погрижи Едгар да заврши како вирален хит на социјалните мрежи откако му нанесе повреда која ретко се гледа во ваквиот суров спорт.
По еден високо зададен удар судијата ја прекина борбата. Лицето на Едгар беше целото изобличено, па арбитерот немаше друг избор освен да ја прекине борбата.
Ударот со стапало стана вирален на социјалните мрежи, а фотограф успеа во вистински момент да го долови ударот. Иако можеби ќе помислите дека станува збор за фотомонтажа или фотошоп, сепак првин погледнете го видеото.
Поранешниот шампион во лесна категорија дури и се бунеше за прекинот на борбата.