УФЦ има еден куп проблеми, а одбраната на титулата во лесна категорија сега е ставена под лупа.
Тој славеше со едногласна одлука на судиите, а навивачите одлуката ја сметаат за сомнителна бидејќи Волкановски му нанесе поголема штета на противникот. По натпреварот се случи нова полемика кога познатиот новозеландски борец Ден Хукер го обвини Махачев за мамење.
Според Хукер, Махачев ангажирал медицинска сестра која му дала инфузија за да му помогне побрзо да закрепне од слабеењето, што е забрането според протоколите на УФЦ.
Еден твитерџија објави фотографија пред борбата, на која се гледа како Махачев има зарасната рана на раката, токму на местото каде што е се поставува канила за примање на инфузија. Споменатиот твитерџија го праша Ризван Магомедов, менаџерот на дагестанскиот борец што е тоа.
Магомедов одговори дека ова е задолжителен тест на крвта нарачан од австралиската ММА комисија. Тоа се случило во средата пред борбата, а оваа верзија на приказната може да ја потврди и медицинската сестра која ја споменува Хукер, пишува Магомедов.