Уганда има нова туристичка стратегија со која промовира природно надарени жени во земјата. Министерот за туризам, Гадфри Киванда, промовираше натпревар за убавина наречен „Miss Curvy Uganda“, со цел да се промовира туризмот во земјата.
Изборот е дел од туристичка иницијатива осмислена за да се прикажат сите атракции кои земјата ги нуди. На листата туристички атракции, покрај природните убавини и националните паркови, додадени се и жените со раскошни облини.
Изборот на убавина е одржан покрај базен во градот Кампала, а покрај убавиците се појави и министерот, кој позираше со нив.
„Имаме природно убави жени со раскошни облини, кои се вистинско уживање за гледање. Зошто тоа да не го искористиме како стратегија за промовирање на туризмот:“, прашува Киванда.
Тој додава дека изборот е поинаков од оној на кој се натпреваруваат слаби девојки.
На овој избор можат да се пријават девојки од 18 години до 35, и покрај убавината девојките го промовираат и својот интелект.
Но, не се сите одушевени од иницијативата на министерот.
„Дами и господа, сега сме 2019 година, а целиот туристички одбор се собрал и одлучил да покрене вакво нешто. Тие луѓе имаат деца“, напиша на Facebook Примроуз Нјонјози Мурунги, активистка од Уганда.