Авиокомпанијата Air New Zealand става крај на забраната вработените да имаат видливи тетоважи, со објаснување дека персоналот има право да ја изрази својата културна и индивидуална разноликост.
Дел од Новозеланѓаните со потекло од домородниот народ Маори носат тетоважи што се обележје на нивното потекло и наследство.
Авиокомпанијата соопшти дека од 1 септември сите вработени ќе смеат да ги покажуваат нивните „ненавредливи“ тетоважи на работното место.
Оттаму додаваат дека расте прифаќањето на тетоважите, особено како начин да се изрази индивидуалноста.
Забраната за носење видливи тетоважи наиде на критики од јавноста, особено бидејќи авиокомпанијата без проблем користи други аспекти на Маори културата, како јазикот и симболите, во свои маркетинг цели.
Авиокомпанијата исто така вели дека според истражувањата, еден од петмина возрасни во Нов Зеланд имаат најмалку една тетоважа и дека повеќе од 35% од луѓето под 30 години се тетовирани.