Украина ќе поднесе заедничка кандидатура со Шпанија и Португалија за организација на Светското првенство во фудбал во 2030 година, објави The Times.
Според пишувањето на The Times, Украина би била домаќин на една од групите на Мундијалот, а официјална потврда за кандидатурата би требало да се случи веќе утре во седиштето на ФИФА во Нион.
Во 2012 година Украина беше домаќин на Европското првенство заедно со Полска, а финалето се играше во Киев.
Овогодинешниот Мундијал почнува наредниот месец во Катар, а во 2026 година ќе се одржи во САД, Канада и Мексико.
За домаќини во 2030, кога е 100-годишнината од Мундијалот на ФИФА, сепак главни фаворити се четирите јужноамерикански држави Уругвај, Аргентина, Парагвај и Чиле. Првиот Мундијал во 1930 година се играше токму во Уругвај, кој стана шампион победувајќи ја Аргентина во финалето, а на првенството учествуваа и Парагвај и Чиле.