Украинците го симнаа руското знаме од зграда во Курск, објавена снимка

Украинската телевизија објави видео на кое се гледа како војници во град во Курската област го симнуваат руското знаме од зграда.

На снимката се гледа трикатна зграда во градот Суџа и тројца војници како го симнуваат знамето извикувајќи: „Слава на Украина“.

Некои руски воени блогери и украински канали Telegram наведуваат дека градот е под украинска контрола. Украинските сили влегоа во Суџа по нападот на руска територија, започнат минатиот вторник. Киев тврди дека сега контролира 74 градови и села на територијата на Русија.

Гувернерот на руската Белгородска област прогласи вонредна состојба, а руското Министерство за надворешни работи денеска соопшти дека поради украинските напади врз Курската област, мировните преговори се подолго време паузирани.