Украинската армија објави видео од уништувањето на руски ракетен фрлач. Станува збор за моќен термобаричен ракетен фрлач TOS-1A.
На видеото објавено од украинската војска се гледа како ракетен фрлач истрелува проектили. Кон него се упатува дрон, кој во еден момент малку се скршнува, а потоа се забива во возило на земја. Се работи, најверојатно, за камиказе дрон. Снимката не е независно потврдена.
Украинците уште пред 20 дена тврдеа дека уништиле ТОС-1А. Видеото од запаленото возило потоа го објави агенцијата Nexta.
Како што пишува CNN, тоа е оружје што е забрането со Женевската конвенција поради неговата особена бруталност. Имено, ова оружје има способност да го вшмукува целиот воздух во прилично голем радиус. На луѓето кои се во близина буквално им е исцицан воздухот од белите дробови. Тоа е оружје кое има цел и способност да убие што е можно повеќе луѓе на мал простор.
Ова оружје делува така што го детонира првото полнење за да го отвори резервоарот за гориво и да го растера горивото како облак што може да навлезе во која било зграда, бункер или тунел што не е херметички затворен.
Второто полнење потоа го активира и произведува огромна огнена топка. Детонацијата вшмукува кислород од околниот воздух за да произведе експлозија на екстремно висока температура, која потоа обично произведува бранови на експлозија со значително подолго траење од детонацијата на конвенционалните бомби.
Експлозијата на вакуумската бомба може да ги испари погодените тела на жртвите. Ова оружје може да уништи неколку градски области со еден удар, напиша Reuters.