Кошаркарот на Бруклин Нетс, Кевин Дурент побара од неговиот тим да го трејдува на крајот на јуни.
Дурент е еден од најдобрите играчи во лигата и има уште четири години од договорот со Нетс.
Вчера 33-годишниот Дурент одржал состанок со сопственикот на Нетс Џо Цаи и му поставил ултиматум.
„Ќе останам ако ги отпуштите тренерот Стив Неш и генералниот менаџер Шон Маркс“, рече Дурант, според инсајдерот Шамс Чаранија. Засега не се знае што ќе одлучи сопственикот на клубот.
Доколку овој ултиматум не му се исполни на Дурент, тој ќе го напушти клубот, а фаворити за негово доведување се Селтикс, Репторс и Хит. За Дурент ова ќе биде 15-та сезона во НБА лигата, а 12 пати е избран во Ол-стар тимот. Минатата сезона тој имаше просек од 29,9 поени со 7,4 скока и 6,4 асистенции. Минатата сезона Нетси доживеаја 0-4 од Селтикс на почетокот од плејофот.