Унгарскиот министер за надворешни работи соопшти дека Унгарија планира да испрати астронаут во вселената во 2024 година.
Министерот за надворешни работи на Унгарија, Петер Сијарто, зборувајќи на конференцијата на Европската вселенска агенција денеска во Севиља го најави планот кој неговата земја планира да го реализира во 2024 година и да се вклучи во вселенската трка.
„Вселенската индустрија станува една од најважните индустрии“, почна Сијарто на конференцијата именувана како Space19+.
„Тоа ќе биде уште една можност за Унгарија да се развива и да оди напред, фокусирајќи се на тренинг на вториот унгарски астронаут кој ќе биде испратен на Меѓународната вселенска станица, за што ние сметаме дека е реално изводливо во 2024 година, во соработка со рускиот Роскосмос“, додаде Сијарто.
Прв унгарски астронаут е Берталан Фаркаш кој во мај 1980 година заедно со советскиот космонаут Валериј Кубасов со леталото Сојуз 36 биле во вселената.
