Употребата на дроги да се третира како здравствен, а не како кривично-правен проблем

Употребата на дроги да се третира како здравствен, а не како кривично-правен проблем и да се декриминализира, но не само со измени на Кривичниот законик, туку преку воспоставување мултисекторски пристап. Декриминализацијата на употребата на дрогите и декриминализација на поседувањето дроги заради лична употреба не претставува легализација на дрогите како недозволени супстанци, туку претставува ослободување од прогонот и стигмата на луѓето кои употребуваат или се зависни од дроги, заклучија учесниците на Меѓународната конференција што ја организираа Коалиција Маргини и ХОПС – Опции за здрав живот Скопје.

Конференцијата што се одржа претходните два дена, беше посветена на моделите на регулирање дроги. Познати светски експерти ги претставија моделите на декриминализација на употребата на дрогите во Португалија, Холандија, Чешка и Франкфурт, Германија, како и причините зошто овие држави се одлучиле за декриминализација. Експертите ги презентираа начините на кои е спроведена декриминализацијата на дрогата и влијанието на овој процес во обезбедувањето ефективна и хумана политика за дроги.

Меѓународната конференција на едно место ги собра светските и домашните експерти и практичари од Јавното обвинителство, полицијата, здравството, социјалната политика, здруженијата на граѓани, претставниците на заедницата, учесници од различни профили поврзани со регулирањето на дрогите. На конференција учество земаа и министрите за здравство Венко Филипче, министерката за труд и социјална политика Јагода Шахпаска, и министерот за правда, Бојан Марициќ.

-Употребата на дроги треба да се третира како здравствен проблем, а не како кривично правен проблем. Прохибиционистичкиот и репресивен модел на казнување на употреба на дроги во ниедна земја не дава резултат во намалувањето на употребата на дроги, но и во намалувањето на трговијата со дроги, додека значително влијаат на повреда на правата на поединците, создаваат јавно-здравствени проблеми и ги зголемуваат економски трошоци на државите. Поради тоа е неопходно да се декриминализира употребата на дроги и поседувањето заради лична употреба, за што јасна и јавна поддршка дадоа присутните претставници на извршната власт, но и практичарите кои се директно вклучени во извршување на законите, се дел од заклучоците.

Декриминалзиацијата на употребата на дроги, како што беше заклучено на конференцијата, не може да се постигне само со измени на Кривичниот Законик, туку за воспоставување успешен модел на декриминализација неопходно е да се воспостави мултисекторски пристап и да се направат соодветни системски измени во здравствениот и социјалниот систем кои ќе овозможат превенција, поддршка, намалување на штети и соодветен третман и рехабилитација на луѓето кои употребуваат дроги.

-Неопходно е моделот на декриминалзиација на употребата на дрогите и поседувањето заради лична употреба да се креира во инклузивен процес, во кој главен збор ќе имаат експертите, а во соработка со клучните доносители на одлуки заедно со професионалците кои директно ги практикуваат законите, граѓанскиот сектор и луѓето од заедницата ќе се креира соодветен национален модел на декриминалзиација на употребата на дроги и поседување заради употреба кој ќе биде спроведлив во пракса, стои во заклучоците и се додава дека почнатиот процес за доуредување на легализацијата на производството и трговијата со канабис за медицинска употреба, како и иницијативата за декриминализација на рекреативна употреба канабис има поддршка и од извршната власт и од стручната јавност.

 

🔴 Употребата на дроги треба да се третира како здравствен проблем, а не како кривично правен проблем. 🔴...

Posted by ХОПС - Опции за здрав живот Скопје on Saturday, November 21, 2020
реклама

Кој е полицаецот кој со три потези спречи трагедија во Капитол хил?

Read more

Нов скандал го тресе Холивуд: Актерот Арми Хамер обвинет дека е канибал и садист

Read more

Совети како да правите селфи фотографии како професионалец

Read more

Беровец лажел дека е киднапиран и изнудил 10.000 евра од татко му

Read more

Македонија

Минусни температури во цела држава, на Попова Шапка -16 степени

Read more

Законот за попис пред гласање, опозицијата собира потписи да го поништи

Read more

Сончево и студено со мала до умерена облачност

Read more

Нови 361 заразени, починати 14, оздравени 2.116 лица

Read more
 

Вести

Уапсен маж кој со оружје и лажна пропусница сакал да присуствува на инаугурацијата на Бајден

Читај повеќе

Во Јакутија измерени -50 степени Целзиусови

Читај повеќе

Минусни температури во цела држава, на Попова Шапка -16 степени

Читај повеќе

Законот за попис пред гласање, опозицијата собира потписи да го поништи

Читај повеќе

Сончево и студено со мала до умерена облачност

Читај повеќе

Нови 361 заразени, починати 14, оздравени 2.116 лица

Читај повеќе

Кој е Армин Лашет, човекот кој би можел да ја наследи Ангела Меркел?

Читај повеќе

Беровец лажел дека е киднапиран и изнудил 10.000 евра од татко му

Читај повеќе
  • play_arrow

Откриени гости и странски државјанки во угостителски објект со забрана за работа во Охрид

Читај повеќе