Ураганот Јан ја погоди Куба и ја остави земјата без електрична енергија, а сега се приближува кон брегот на Флорида како ураган од трета категорија, пренесе Space.com.
Се предвидува дека градовите Тампа и Сент Питсбург ќе бидат најверојатно на удар и тоа би било прво директно соочување на овие два града со некој ураган од далечната 1921 година.
Објавени се сателитски снимки кои покажуваат како изгледа ураганот виден од вселената. Сателитите снимија и видео од ураганот Јан откако го погоди западниот дел на Куба.
„Предвидувањата се дека Јан ќе удри на западниот брег на Флорида како екстремно опасен голем ураган“, соопштија од Националниот центар за урагани во САД.
И астронаутите од Меѓународната вселенска станица објавија како изгледа ураганот Јан виден од нивна перспектива.
Ураганот го принуди НАСА и SpaceX да одредат нов датум за лансирање на мисијата Crew-5 на Меѓународната вселенска станица.
Мисијата требаше да ги пренесе астронаутите на НАСА – Никол Аунапу-Ман и Џош Касада, кои ќе бидат командант и пилот на мисијата, заедно со астронаутот на JAКСA (Јапонската агенција за воздушно-вселенско истражување) – Коичи Ваката и космонаутот на Роскосмос, Русинката Ана Кикина, кои ќе служат како специјалисти во мисијата.
Тие ќе патуваат до Станицата заради шестмесечна научно-технолошка истражувачка мисија.
Според Националниот центар за урагани, Јан го зафати копното на Куба вчера наутро со постојани максимални ветрови од 195 километри на час.