Ирската државна телевизија извести дека една жена настрадала откако дрво паднало врз неа.
Несреќата се случила во Ватерфорд, јавува „РТЕ њуз“. Репортер од телевизијата веста за загинатата жена ја објавил на својот твитер-профил, а објавил и видео на кое се гледаат ударите на брановите предизвикани од ураганот.
Ураганот корне дрвја, а околу 120.000 домаќинства се без струја, пренесува „Ројтерс“.
Како што се наведува, од ураганот се создале бранови со висина од 10 метри.
Во текот на ноќта Офелија ослабна од ураган во категорија бура, а ударите на ветрот достигнуваат брзина од 176 километри на час.