Сите училишта во Ирска се затворени поради ураганот Офелија, кој се приближува кон британските острови.
Затворени се сите училишта, колеџи и други образовни институции.
Одлуката била донесена во договор со службата за вонредни состојби и консултација со метеоролошката служба која прогнозирала доаѓање на опасната бура.
Ирската метеоролошка служба издаде „црвено предупредување“ и укажа на „потенцијален ризик по живот“ пред очекуваниот удар на ураганот.
Се верува дека Офелија ќе ослаби, но сепак ќе биде проследена со силни удари на ветар и до 130 километри на час и обилни падежи, што би можеле да предизвикаат и поплави.
