Американската компанија за производство на електрични возила Tesla Motors е една од најмодерните во светот. Нејзиниот сопственик Елон Маск се смета за еден од најголемите иноватори на денешницата.
Но, најевтиниот модел на електричен автомобил од оваа компанија, Model 3, се покажа како автомобил со многу недостатоци.
Веќе имаме пишувано за тоа што сѐ е погрешно со Model 3 и за проблемите со кои се соочуваат сопствениците на овој автомобил.
Eден корисник најде уште еден фејл, овојпат во дизајнот на автомобилот.
Во случај да ве фати дожд, а мора да го отворите багажникот, водата од вратата ќе се слее директно внатре, како што може да видите во ова видео:
Можеби моделот е смислен во „сончевата Калифорнија“, но автомобилот не се испорачува само таму, негодуваат корисниците.
За чудо, оваа маана не влијае врз продажбата на Model 3 - дури и во ладната и врнежлива Норвешка само во март годинава се продадени дури 5.000 примероци.
