Холандија од 9 декември ќе воведе контрола на копнените граници.
Владата на Холандија вчера најави дополнителни гранични контроли на копнената граница. По примерот на Германија, таа земја се обидува да ја ограничи илегалната миграција, пишува Euronews. Контролите треба да траат шест месеци.
„Време е на конкретен начин да се справиме со нерегуларната миграција и шверцот на мигранти. Затоа од почетокот на декември ќе почнеме повторно да воведуваме гранични контроли во Холандија“, изјави холандската министерка Марјолеин Фабер.
На земјите-членки на ЕУ им е дозволено привремено повторно да воведат контрола на внатрешните граници во случај на сериозна закана.
