Поради неприлагодена брзина на возилото со кое управувал, жител на Тетово излетал од автопатот Скопје – Тетово, по што на лице место починал.
Несреќата се случила вчера, околу 08:10 часот на автопатот Скопје-Тетово, спроти с.Буковиќ,. Возило „БМВ Х5“ со скопски регистарски ознаки, управувано од А.Д. (40) од Тетово, излетало од коловозот и удрило во заштитната жичена ограда, по што лицето починало на самото место.
Смртта ја констатирал лекар од Итна медицинска помош. Увид на местото на настанот извршиле јавен обвинител и увидна екипа од СВР Скопје.
По наредба на јавен обвинител телото на починатиот е предадено на обдукција.
