По веста дека се наплаќа за поставување пешкир на плажа во Хрватска, следеа урнебесни коментари од Србите за анкетата што ја направи B92.
Според информациите кои се појавија во Facebook група, „место за пешкир“ во beach bar во Водице чини дури четири евра, што шокираше многумина.
Со текот на годините, туристите се навикнаа да плаќаат лежалки, но судејќи според резултатите од анкетата, не се подготвени да плаќаат и за пешкир.
Дури 79 отсто од луѓето гласале дека нема да платат за поставување пешкир на плажа, а после анкетата следеа смешни коментари.
„Од сега, иако не сум го практукувал тоа порано, ќе почнам да посетувам нудистички плажи... Верувам дека таму е друга приказна“, „Уште за седење во плиткото не почнале да наплаќаат!“, „Од следната сезона ќе воведеме и посебна такса според квалитет на пешкирот. Не може да чини исто место за кинеска крпа што гребе, како за поскапите модели“, се само дел од коментарите.
