Олександр Усик го шокираше светот откако во Лондон го победи Ентони Џошуа и стана светски шампион во тешка категорија.
Украинецот доминираше во текот на целата борба, освојувајќи ја титулата на светски првак во IBF, IBO, WBA и WBO верзиите. За титулата на апсолутен шампион му недостига појасот во WBC верзијата чиј шампион е Тајсон Фјури.
На Twitter се појави снимка на која се гледа како Украинецот по борбата доаѓа во гардеробата на Џошуа и лично му ги враќа појасите откако со нив претходно се фотографираше.
Секако, Усик не ги врати буквално појасите Британецот има право да ги задржи како поранешен шампион, а Усик ќе добие нови појаси.
Кога Усик му ги донесе појасите, Џошуа се насмеа и му порача дека набргу повторно ќе се видат. Британецот веднаш по поразот изјави дека сака реванш.
