Kумановскиот суд денеска го осуди Љуан Кадриу од липковското село Слупчане на две години условна казна затвор, поради симнување на македонското знаме од јарболот во центарот на Куманово, на чие место постави знаме на Република Албанија.
Овој инцидент се случи во март годинава.
Обвинетиот Кадриу го призна делото, по што веднаш му беше пресудена казната која го обврзува во следните четири години да не изврши друго кривично дело. Неговиот помошник, 16-годишниот Л.С. не го призна делото, па неговото судење сè уште е во тек.