Усвоени здравствените протоколи за работа на плажите и базените

Скопје, 13 јули 2020 (МИА) – Владата на денешната 76-та седница ги усвои протоколите што ги предложи Комисијата за заразни болести, а кои се однесуваат на работата на базените и на плажите во тек на пандемија со COVID-19.

Со протоколите на плажите се ограничува бројот на максимум 15 посетители на 100 метри квадратни, како и задолжително носење заштитна опрема на лицето, физичка дистанца од 1,5 до 2 метри и на плажа и во вода, редовна дезинфекција и потсетување на посетителите во однос на мерките и начинот на однесување.

На базените ќе важат истите протоколи како и за плажите, со тоа што се ограничува до еден пливач на 7 метри квадратни површина на базенот, но и задолжителна дезинфекција, туширање и хиперхлорирана дезбариера, пред влегување.

Согласно Протоколот за работата на плажите во тек на пандемија со COVID-19, освен задолжителното почитување на основните превентивни мерки за носење лична заштитна опрема на лицето, за физичка дистанца од 1,5 – 2 метри, често миење на рацете со вода и сапун, и редовно чистење и дезинфекција на околината на плажите, задолжително е точното и видливо информирање на посетителите со информативно – едукативен материјал за посетителите во однос на почитување на основните превентивни мерки и начинот на однесување, како и со гласовно информирање за придржување кон препораките.

– Препораките опфаќаат правила за однесување на плажите кои се однесуваат на сите вработени лица и посетителите за лична заштитна опрема на лицето која што ги покрива пределот на носот и устата, достапни и видливи места за средства за дезинфекција на рацете, физичка дистанца од 1,5 – 2 метри, вклучително и при престој во вода, како и ограничување на бројот на посетители на плажата согласно квадратурата, односно максимум 15 посетители на 100 м² нето површина, стои во соопштението од владината прес-служба.

На плажите е задолжително меѓу индивидуалните чадори да се обезбеди минимално растојание од четири метри, растојание од 1,5 – 2 метри помеѓу лежалките поставени под соседни чадори. Лежалките задолжително да се дезинфицираат пред и после користењето на секој посетител, а секое лице задолжително да постави пешкир на лежалката пред да ја употреби.

– Се забрануваат групните спортови (како одбојка на плажа), и задолжително е одредувањето лица кои ќе го контролираат бројот на посетители  и спроведувањето на мерките, се вели во соопштението.

Протоколот за работата на плажите во тек на пандемија со COVID-19 уште ги уредува и санитарно – хигиенски мерки, препораките за вработените, а за користење на угостителски услуги се препорачува почитување на Протоколот за угостителска дејност во услови на пандемија со COVID-19.

На плажите не се препорачува користење на гардероби на плажа.

Протоколот за работа на базените во тек на пандемија со COVID-19, покрај почитувањето на основните превентивни мерки за лична заштита, определува како задолжително пред билетарите да се обележи растојание (место за чекање) од 1,5 – 2 метри. Меѓу вработениот и посетителот да се обезбеди растојание од 1,5 – 2 метри или заштитна бариера. Да се препорача и практикува бесконтактно плаќање со кредитни картички. Да се обезбеди и препорачува онлајн купување на билети.

– Пред влезот на базените задолжително е да се постави дезбариера (подлога) за дезинфекција на сите посетители и да се обезбеди средство за дезинфекција на рацете со известување за посетителите за задолжителна дезинфекција на рацете при влегување и да се постави пред влезот на сите простории во објектот. Задолжително е редовно информирање на посетителите, а користењето на соблекувалните е дозволено по принцип еден посетител во една соблекувална со воспоставување на ред и незадржување од страна на назначени лица од редарска служба. Зачестено да се чистат и дезинфицираат соблекувалните на секои 2 часа (по потреба и почесто), се вели во соопштението.

При влез во базенскиот дел, задолжително секој посетител да се истушира и да помине преку хиперхлорирана дезбариера за миење на нозете.

Сите вработени лица и посетителите, се вели во соопштението, до влегување во базенот задолжително да носат лична заштитна опрема на лицето што подразбира било каква форма на заштита којашто ги покрива пределот на носот и устата, како и да одржуваат физичка дистанца од 1,5 – 2 метри вклучително и во базенските води.

– Се ограничува бројот на посетители во објектот согласно квадратурата на објектот, максимум 15 посетители на 100 м² нето површина (вклучително и површината на базенот)  или еден пливач на 7 м² во базенот, и задолжително да се одредат лица кои ќе го контролираат бројот на пливачи во базенот (согласно погоре наведениот норматив) и кои ќе го контролираат на спроведување на мерките, се вели во соопштенито од владината прес-служба.

Протоколот ги утврдува и  останатите санитарно – хигиенски мерки и препораки за вработените кои се задолжуваат да водат евиденција за секој тренинг, организирана спортско – рекреативна активност или слободно користење на базенот од страна на граѓаните со цел полесно епидемиолошко следење во случај на појава на заразен со COV-19. За секој посетител да се обезбеди податок за време и дата на посета/тренинг, име и презиме, телефонски број за контакт, име на тренерот/група/инструктор итн.

На базените не се препорачува користење на угостителски услуги, а за оние во состав на хотелски капацитети се препорачува почитување на горенаведените препораки, со напомена користењето на базенот да биде дозволен само за гостите од хотелот.

реклама

Пандемијата ќе биде под контрола за четири до осум недели ако сите почнат да носат маска  - веднаш

Read more

Низ фотографии: Мелбурн под целосен карантин

Read more

Kривична против градоначалникот на Боговиње за „несовесно работење во службата“

Read more

Шест трикови како да научите да читате говор на тело

Read more

Македонија

Почна трката за формирање Влада

Read more

Пет починати, нови 75 заразени и казни за непочитувачите на протоколите против COVID-19 во Охрид

Read more

Собранието конституирано, претседателот на десетиот состав ќе се избере кога ќе се создават услови

Read more

До крајот на неделава нестабилно со локални поројни врнежи

Read more

Вести

Почна трката за формирање Влада

Читај повеќе

Пет починати, нови 75 заразени и казни за непочитувачите на протоколите против COVID-19 во Охрид

Читај повеќе

Во експлозијата во Бејрут загинаа повеќе од 100 луѓе, а околу 4.000 се повредени

Читај повеќе

Собранието конституирано, претседателот на десетиот состав ќе се избере кога ќе се создават услови

Читај повеќе

До крајот на неделава нестабилно со локални поројни врнежи

Читај повеќе

Kривична против градоначалникот на Боговиње за „несовесно работење во службата“

Читај повеќе
  • play_arrow
  • filter

Силна експлозија во Бејрут, десет загинати, стотици повредени

Читај повеќе

ДИК не извршила тестирање на софтверскиот систем за парламентарните избори 2020

Читај повеќе

Дневен преглед на состојбата со COVID-19 во светот

Читај повеќе