Законот за употреба на јазиците утре повторно ќе се најде пред пратениците.
Ова било договорено на денешната координација кај претседателот на Собранието Талат Џафери, меѓу координаторите на пратеничките групи. Продолжението на 32-та седница, на која оваа точка е на дневен ред, спорeд најавите се очекува да биде закажана за 13 часот.
Од координативаната средба не откриваат како ќе се постапи по 35-те илјади амандмани кои ги поднесе опозициската ВМРО-ДПМНЕ, иако собранискиот спикер Џафери во неколку наврати потенцираше дека според него нема решение ако се расправа за секој амандаман поединечено, туку тоа како што образложи, би значело закочување на работата на парламентот.
Законот за употреба на јазиците е во трето читање во Собранието, а од ВМРО-ДПМНЕ поднесоа 35.569 амандмани со образложение дека законот е неуставен и треба да се повлече.