ФФМ и десетте прволигаши утре ќе одржат нова средба за да се договорат за конечно дали ќе се продолжи тековната сезона или ќе биде ставен крај.
Координативниот кризен штаб за здравствена заштита побарал од Фудбалската федерација на Македонија да изработи здравствен протокол за да може првенството да продолжи. ФФМ го изработила, го доставила до надлежните државни институции како и до клубовите, а истиот ќе биде детално презентиран утре на состанокот од страна на д-р Жарко Караџоски од Институтот за јавно здравје.
„Фудбалската федерација на Македонија ги подготви и денеска пред претставници на Координативниот кризен штаб за обезбедување целосна координација во врска со спречување на внесување и ширење на коронавирусот COVID-19 ги презентираше сите услови од здравствениот протокол за враќање на фудбалските екипи на тренинзите и натпреварите со целосна одговорност враќањето на фудбалските терени да биде максимално сигурно за сите учесници“, информираат од ФФМ.
Десетте прволигаши утре теба да донесат конечна одлука дали ќе продолжи или не домашниот фудбал. Крајниот рок поставен од УЕФА до кој ФФМ треба да ја информира за иднината на сезоната е 25 мај, односно понеделник. Минатиов понеделник веќе беше одржан еден состанок на кој ставовите беа победелени.