Не е ништо ново дека појадокот е најважниот оброк во денот, особено ако сакате да слабеете. Меѓутоа, не се сите појадоци исти. Времето кога јадете и што ставате во чинијата наутро се важни параметри ако сакате да го израмните стомакот и да го поттикнете телото да гори калории.
Нутриционистите и фитнес експертите препорачуваат да го почнете секој ден со здрава мешавина на протеини, масти, јаглехидрати, влакна и храна што помага против воспалителни процеси. Оваа комбинација не само што ќе ви обезбеди хранливи состојки и енергија, исто така ќе ви помогне да го избегнете непријатното кркорење на цревата околу 10 часот.
Прво, појадокот треба да го изедете пред 8 часот, особено ако од прилика тогаш ви почнува работниот ден.
Јајцата треба да бидат клучен дел од вашиот здрав појадок. Две јајца збогатени со омега-3 испржени во една лажица маслиново масло се совршен избор.
Богати се со витамин Д и биотин, протеин што се содржи во жолчката и ќе ви даде чувство на ситост до следниот главен оброк, што значи дека нема да посегнете по нездрави благи грицки пред ручек.
Комбинирајте ги јајцата со леб од мешани зрна, свеж спанаќ и шолја зрнесто овошје. Комбинацијата од растителни влакна, јаглехидрати и антиоксиданси ќе ви го израмни стомакот и ќе го поттикне метаболизмот, па ќе бидете сити, здрави и на добар пат кон слабеење.