Автомобил со голема брзина денеска удрил и повредил неколку лица во пешачка зона во германскиот град Трир, во западниот дел на земјата, соопшти полицијата на Twitter.
ТВ каналот RTL, пренесе дека во инцидентот загинале најмалку две лица, а најмалку 10 се повредени. Според нивни информации, хеликоптер летал над местото на несреќата, а блиското училиште било заклучено и во него се следел протокол за во случај на можен терористички напад.
Еден од очевидците изјавил дека сив атомобил Range Rover со голема брзина влетал во пешачката зона.
Полициските службеници ги предупредуваат луѓето да го избегнуваат местото на несреќата и соопштуваат дека тие се на лице место, заедно со екипите на брзата помош.
Локалните медиуми изјавија дека возачот бил приведен од полицијата, а истрагата е во тек.
