Американскиот боксер Дионтеј Вајлдер испрати јасна порака со која дополнителни ги подргрева контроверзите: не го смета Британецот Тајсон Фјури за светски WBC шампион.
Фјури на крајот на февруари го освои WBC појасот откако со технички нокаут го совлада 34-годишниот Вајлдер.
Американецот, кој до дуелот со Фјури немаше ниту еден пораз во професионалната кариера, потоа ја активираше клаузулата во нивниот договор која подразбира реванш.
„Ништо не е готово. Во моите очи Фјури не е шампион. Ни остана уште една борба. Со радост ја очекувам. Ќе му ја покажам на светот мојата најдобра верзија. Луѓето кои следат бокс знаат дека таа февруарска ноќ не го видоа Дионтеј Вајлдер. Се чувствував како зомби, нешто не беше во ред“, рече Вајлдер.
Вајлдер беше носител на WBC појасот во тешка категорија од 2015 до 2020 година, а интересно е што почнал да се занимава со бокс дури на 20 години.
