Останати спортови

Вајлдер: Фјури се врати од пеколот, сакам реванш

6. декември 2018 - 12:44 | А.С.

Тајсон Фјури доминираше во повеќето од рундите во WBC борбата со Дионтеј Вајлдер, а овој успеа два пати да го совлада, но според одлуката на судиите, победник немаше.

Сега светот сака да го види Вајлдер во ринг со Ентони Џошуа. Тоа би било борба за обединување на сите титули, но Вајлдер пак го сака „Кралот на циганите“.

“Само господ знае како Тајсон стана по нокаутот во 12-тата рунда. Можеби броењето беше побавно, но не се жалам. И двајцата донесовме страст во тешката категорија. Тајсон некако преживеа, се врати од пеколот. Некои мислат дека тој е победникот, некои дека сум јас, други дека е нерешено. Не заборавајте дека јас бев многу полесен и дека голем дел од неговите удари беа слаби. Јас напаѓав и мислам дека победив“, рече Вајлдер.

Тој очигледно има само една желба:

„Сериозно го сакам тој реванш пред која било друга борба. Никој друг не ме интересира. Тоа е единствената правилна постапка и најдобро за боксот. Подготвен сум кога и да посака тој. Сакам да им го дадам на навивачите тоа што го сакаат и да ја завршиме оваа приказна еднаш засекогаш. Не сакам други борби пред да се соочиме ние двајца повторно“, вели Американецот.

А пред само два дена Фјури рече дека Вајлдер нема да има храброст за реванш. Изгледа се излажа.

„Тој ќе сака да го избегне реваншот по секоја цена. Имам чудно претчувство дека би можел да обуе патики за трчање и да бега од мене. Требаше да победам и да го носам појасот WBC назад во Британија. За жал, останува во Америка. И двајцата остануваме непоразени и сега ќе мора пак да се фрла коцката“, изјави Фјури.

Коментирај