Откако претходно беше обвинет за силување и други тешки сексуални престапи, познатиот холивудски продуцент Храви Вајнстин сега се товари и за сексуален напад на малолетничка.
Од речиси сто жени кои го обвинија Вајнстин за некаква форма на сексуален напад, најмладата наводна жртва која јавно излезе со обвинение, за време на нападот имала 16 години.
Судските документи покажуваат дека девојката во 2002 година се преселила од Полска во САД за да стане модел и се надевала дека ќе може да се пробие и во светот на филмот.
Адвокатите на жртвата, чие име не беше објавено и која сега би требало да има 32 години, велат дека девојката прв пат го запознала продуцентот на настан во организација на една американска модна агенција, кога таа имала само 16 години. Тие тврдат дека неколку дена подоцна, Вајнстин ја однел тинејџерката во неговиот стан каде агресивно и со закани ѝ побарал секс.
Во документите стои дека Вајнстин ги соблекол панталоните и ја присилувал девојката да му го допре половиот орган.
Потоа ѝ кажал дека им ги направил кариерите на Пенелопе Круз и Гвинет Палтроу и дека истото ќе го направи за неа ако биде послушна.